ភ្នំពេញ៖ ស្ត្រីម្នាក់ដែលអះអាងថាខ្លួនជាព្រះម៉ែបង្កើតលោក បានចេញមកបង្ហោះវីដេអូនិយាយតាម Tik Tok ប៉ះពាល់ដល់កិត្តិយសលោក ហ៊ុន ម៉ាណែត ត្រូវបានសមត្ថកិច្ចចាប់ខ្លួន។

ក្នុងវីដេអូឃ្លីបដែលបង្ហោះក្នុងបណ្តោញសង្គម Tik Tok ស្ត្រីដែលតាំងខ្លួនជាព្រះម៉ែគង្គា បាននិយាយផ្តាំឱ្យលោក ហ៊ុន ម៉ាណែត កសាងបុណ្យកុសល និងធ្វើល្អឱ្យបានច្រើន។

ស្ត្រីរូបនោះបាននិយាយដូច្នេះថា៖ «ម្តាយដាស់តឿនកូនជាលើកដំបូង និងជាលើកចុងក្រោយដែរ កន្លងមកលោក ហ៊ុន ម៉ាណែត បានសាងអាក្រក់ជាច្រើនណាស់ អ៊ីចឹងពេលនេះជាពេលដែលឱកាសកូនកែខ្លួន ម្តាយឱ្យកូនរស់នៅទឹកដីខ្មែរ កូនត្រូវជួយប្រទេសខ្មែរ ប្រសិនជាកូនធ្វើខុសពីបណ្តាំរបស់ម្តាយ កូនបន្តសាងអាក្រក់ទៀត អ៊ីចឹងម្តាយនឹងយកកូនទៅវិញហើយ ម្តាយអត់ឱ្យកូន ហ៊ុន ម៉ាណែត មានអាយុបន្តរស់នៅនៅឋានកណ្តាលទៀតទេ ម្តាយនឹងយកអាយុជីវិតកូនទៅវិញ។ ឋានកណ្តាលនិងឋានសួគ៌ អត់បន្តយកកូន ហ៊ុន ម៉ាណែត តទៀតទេ»៕